Esirtki tasyǵan ushqyshsyz basqarylatyn ushaq Ogaıo túrmesinde tóbelestiń týýyna sebep boldy
ASTANA. QazAqparat - Ushqyshsyz basqarylatyn ushaqtaǵy marıhýana men temeki salynǵan paket Ogaıo shtatyndaǵy Mensfıld túrmesiniń ishki aýlasyna tústi.
Polıtseılerdiń sózine qaraǵanda, esirtki zaty soltústik sektor aýmaǵynda serýendeıtin sottalǵandarǵa arnalǵan. Alaıda ushqyshsyz basqarylatyn ushaq ońtústik sektorǵa túsken. Osyǵan baılanysty qylmyskerler arasynda tóbeleske ulasqan iri janjal týyndady.
Túrme qyzmetkerleri muny toqtatý úshin kózden jas shyǵaratyn gazdy qoldanǵan. Tóbeleske 200-den astam sottalǵan qatysty. Toǵyz adam kartserge jiberildi.
