Esirtki sińgen maskany paıdalanyp tonaý faktisi tirkelgen joq - Nurdildá Oraz
NUR-SULTAN. QazAqparat - Esirtki sińirilgen medıtsınalyq maskany paıdalanyp tonaý faktisi tirkelgen joq. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Áleýmettik jeli arqyly áleýmettik qyzmetker atyn jamylǵan qylmyskerler esirtki zaty sińirilgen maska taratyp júr delingen aqparat jalǵan. Sodan keıin olar esh kedergisiz páterdi tonap, urlyq jasaıdy eken-mys. Medıtsınalyq maskany paıdalanyp, esirtki zatynyń áseri nátıjesinde tonaý faktisiniń bolmaǵanyn resmı málimdegim keledi. Bul feık aqparat», - dedi Nurdildá Oraz.
Degenmen resmı ókil kez kelgen jaǵdaıda barynsha saqtyp tanytý qajettigin, páter esigin bógde adamdarǵa ashpaý kerektigin ári balalarǵa da qaýip jaıly eskertý jón bolatyndyǵyn basa aıtty.
«Eger beıtanys adamnan kúdikti áreket baıqasańyz, birden polıtsııaǵa habarlasyńyz», - dedi ol.
Eske salsaq, buǵan deıin ýlanǵan maskalar taratatyn tonaýshylar týraly aqparattyń feık ekenin habarlaǵan bolatynbyz.
