Esirtki saýdasynyń transulttyq arnasynyń joly kesildi
ASTANA. 3 sáýir. QazAqparat - Aǵymdaǵy jylǵy 1 sáýirde ІІM Esirtki bıznesine qarsy kúres komıtetiniń, Astana qalasy ІІD Esirtki bıznesine qarsy kúres basqarmasynyń qyzmetkerleri Qyrǵyzstan Respýblıkasynyń ІІM-men jáne TsARIKTs halyqaralyq uıymymen birlesken jedel izdestirý sharalary kezinde esirtki saýdasynyń transulttyq arnasynyń joly kesildi.
Bul týraly búgin brıfıngte QR Іshki ister mınıstrliginiń resmı ókili Nurdildá Oraz aıtty.
«Astana qalasynyń «Rýbej-Qyzyljar» baqylaý beketinde 28 jastaǵy Qyrǵyzstan Respýblıkasynyń azamaty júrgizip kele jatqan «BMV» avtokóligi toqtatyldy. Avtokólikti jyljymaly tekserý kesheniniń, sondaı-aq qyzmettik ıttiń kómegimen tekserý barysynda mashınanyń qosalqy dóńgeleginen 10 túıinshekke oralǵan jalpy salmaǵy 10 kelige jýyq geroın jasyrylǵandyǵy anyqtaldy. Ustalǵan azamat jasyryn jolmen Qyrǵyzstannan Reseıge jóneltý maqsatymen esirtki tasymaldaǵan»- dedi remı ókil.
Atalǵan fakti boıynsha qylmystyq is qozǵaldy. Kúdikti qamaýǵa alynyp, tergeý is-sharalary júrgizilýde. Júrgizilgen is-sharalardyń nátıjesinde jalpy somasy 160 mıllıon teńgeni nemese 1 mıllıon AQSh dollaryn quraıtyn 40 myńnan astam bir rettik «geroın» dozasy esirtki tutynýshylaryna jetken joq.
