Esirtki saýdasymen aınalysqan stepnogorlik 10 jylǵa sottaldy
KÓKShETAÝ. QazAqparat - Aqmola oblysy qylmystyq ister jónindegi mamandandyrylǵan aýdanaralyq soty Stepnogor qalasynyń turǵynyna qatysty qylmystyq isti qarady, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
Sot anyqtaǵandaı, er azamat salmaǵy 58,0 gramm marıhýanany zańsyz saqtap, shartty satyp alýshyǵa ótkizgen. Onyń jeke basyn jáne avtokóligin tintý kezinde qaǵaz túıinshegine oralǵan marıhýana tabylǵan. Er azamat barlyǵy 1002,5 gramm marıhýana esirtki zatyn ótkizý maqsatymen zańsyz saqtaǵan.
«Sot úkimimen ol QR QK 297-baby 3-bóliminiń 3-tarmaǵymen (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) kináli dep tanylyp, múlkin tárkileýmen qatar, qatań rejımdegi túzeý kolonııasynda 10 jyl merzimge bas bostandyǵynan aıyrý túrinde jaza taǵaıyndaldy», - dep kórsetilgen habarlamada.
