Esirtki saýdasymen aınalysqan áıel 10 jylǵa sottaldy
KÓKShETAÝ. QazAqparat - Aqmola oblysynyń qylmystyq ister jónindegi mamandandyrylǵan aýdanaralyq soty asa iri mólsherdegi esirtki zattardy zańsyz ótkizgeni úshin azamatsha H-ǵa qatysty qylmystyq isti qarady, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
«Sot anyqtaǵandaı, áıel adam 9,25 gramm asa iri mólsherdegi «geroındi» zańsyz saqtap, keıinnen shartty satyp alýshyǵa barlyq esirtki zattardy ótkizgen.
Sot úkimimen azamatsha H. Qazaqstan Respýblıkasy qylmystyq kodeksiniń 297-baby 3-bóliginiń 3-tarmaqshasymen (Asa iri mólsherdegi esirtki zattardy zańsyz saqtaý jáne ótkizý) qylmys jasaǵany úshin kináli dep tanyldy. Sot aıyptynyń qylmystyq jolmen tabylǵan múlkin tárkileı otyryp, 10 jyl merzimge jalpy rejimdegi túzeý kolonııasynda bas bostandyǵynan aıyrý jazasyn taǵaıyndady.
Sot úkimi zańdy kúshine engen joq», dep kórsetilgen habarlamada.
