Esirtki saýdasy úshin halyqaralyq izdeýde júrgen reseılik ShQO-da ustaldy

ÓSKEMEN. QazAqparat – Shyǵys Qazaqstan oblysynda esirtki saýdasy úshin halyqaralyq izdeýde júrgen reseılik ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Úrjar aýdanynyń tártip saqshylary reseılik quqyq qorǵaý organdarynan jasyrynyp júrgen 48 jastaǵy er adamdy qolǵa túsirdi. Reseı Federatsııasynyń azamaty 2013 jyldan beri esirtki satqany úshin memleketaralyq izdeýde bolǵan.

«Qylmysker aýyldaǵy týysynyń úıinde jasyrynyp júrgen. Qazirgi ýaqytta polıtsııa qyzmetkerleri odan jaýap alyp jatyr», - dedi oblystyq PD bastyǵy Saǵat Mádıev.

Jalpy óńir polıtseıleri «Іzdestirý» jedel-aldyn alý sharasy barysynda izdeýde júrgen 29 qylmyskerdi ustady. Sondaı-aq habar-osharsyz ketken 16 adamnyń, onyń ishinde kámeletke tolmaǵan 5 balanyń ornalasqan jeri anyqtaldy.