Esirtki saýdalaǵan aýyl turǵyny ustaldy - Aqmola oblysy
KÓKShETAÝ. QazAqparat - Aqmola oblysynda esirtki saýdasymen aınalysqan aýyl turǵyny 10 jylǵa deıin merzimge sottalýy múmkin, dep habarlaıdy QazAqparat tilshisi.
ІІD baspasóz qyzmetiniń deregi boıynsha esirtki bıznesimen kúres bólimshesiniń qyzmetkerleri Aqkól qalasynda 26 jastaǵy jergilikti turǵyndy 18,9 gramm «marıhýana» satý kezinde ustady.
Tekserý barysynda kúdiktiniń syrtqy kıiminiń qaltasynan qaǵaz býmaǵa salynǵan sur jasyl tústi esirtkige uqsas zat tabylyp, saraptamaǵa jiberildi.
Qazirgi kezde, kúdikti ýaqytsha ustaý oqshaýlaǵyshyna qamalyp, ústinen QR QK 297 babynyń 1 bóligi boıynsha qylmystyq is qozǵaldy.
Atalmysh sanktsııa boıynsha kúdiktiniń múlik tárkilene otyryp, 5 jyldan 10 jylǵa deıin sottalýy múmkin.
Aıta ketý kerek, ótken jyly oblys polıtseıleri salmaǵy 769 keliden astam túrli esirtki zattaryn tárkilegen. Bıylǵy jyldyń basynan beri barlyǵy 3 keli esirtki zaty zańsyz saýdadan alyndy.
