Esirtki satýshydan 12 keliden astam geroın tárkilendi
ASTANA. 3 aqpan. QazAqparat - QR ІІM Esirtki bıznesine qarsy kúres komıteti jáne Almaty qalasy Esirtki bıznesine qarsy kúres basqarmasynyń qyzmetkerleri qalaǵa keletin esirtki arnasyn joıdy,
dep habarlaıdy QR ІІM Esirtki bıznesine qarsy kúres komıteti.
«1 aqpan kúni Almaty qalasynda óziniń páterinen buryndary sotqa tartylmaǵan 32 jastaǵy jergilikti turǵyn ustaldy. Tintý kezinde jýynatyn bólmede turǵan qara sómkeniń ishinen 12 keli 81 gramm geroın esirtkisi tabyldy», - delingen habarlamada.
Atalmysh fakti boıynsha qylmystyq is qozǵaldy. Esirtki zatynyń qaıdan ákelingendigi jáne onyń jetkiziletin arnasyn anyqtaý boıynsha keshendi túrde jedel-izdestirý sharalary júrgizilýde.
