Esirtki satýmen aınalysyp kelgen taksı júrgizýshisi quryqtaldy
ALMATY. 21 jeltoqsan. QazAqparat /Ádilet Musahaev/ - Kóp jyldyq eńbek tájirıbesi bar 51 jastaǵy taksı júrgizýshisi nashaqor ǵana emes, esirtki satýmen de aınalysyp kelgen.
Nashaqordy almatylyq esirtki bıznesimen kúres basqarmasynyń qyzmetkerleri operatsııa barysynda quryqtaǵan.
"Bul ýaqytta ıÝnýs esimdi azamat jolaýshylar tasymaldap júrgen. Kóp ýaqyt baqylaýdan keıin kúdikti ustaldy. Onyń kóliginen jalpy salmaǵy 3,5 keli gashısh tabyldy. Hımııalyq saraptamadan ótkizgen gashıshtiń geroınmen aralasqandyǵy aıqyndaldy", -deıdi Almaty qalasy ІІD-niń Esirtki bıznesimen kúres basqarmasynyń bastyǵy, polıtsııa maıory Denıs Loskýtov.
Esirtkimen kúres mamandary endigi ýaqytta ıÝnýstyń turaqty tutynýshylary men Almatyǵa jetkiziletin nasha kózin aıqyndaýǵa kúsh jumsaýda. Olar jaqyn kúnderi ıÝnýstyń sybaılastaryn quryqtaıtyndyqtaryna senimdi.
"Bul azamat burynda qylmystyq jaýapqa tartylǵan. Qazir kúdiktiniń mańaıyndaǵy adamdardy tekserýdemiz. Onyń ústinen QR QK 259-baby boıynsha qylmystyq is qozǵalyp otyr", -deıdi maıor Loskýtov.
