Esirtki satýmen aınalysqan eki qylmystyq top anyqtaldy

NUR-SULTAN. QazAqparat – Esirtki satýmen aınalysqan eki qylmystyq top joıyldy. Bul týraly QR ІІM Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev aıtty, dep habarlaıdy QazAqparat tilshisi.

«Osy jyldyń 1-toqanynda 861 esirtki qylmysy anyqtaldy. Onyń ishinde 602 satý jáne 163 asa iri mólsherde esirtki saqtaý faktisi bar. 1 tonnadan astam túrli esirtki zaty, naqtyraq aıtqanda 3 keli geroın, 764 keli marıhýana, 252 keli gashısh jáne 25 kelige jýyq sıntetıkalyq esirtki tárkilendi», - dedi ol ІІM baspasóz qyzmeti alańynda ótken brıfıng barysynda.

Onyń atap ótýinshe, esirtki satýmen jáne saqtaýmen aınalysatyn 2 uıymdasqan qylmystyq top joıyldy.

«Qylmystyq jaýapkershilikke 2 kóshbasshysy jáne toptyń 11 qatysýshysyn tartylýda. Qylmystyq jolmen alynǵan jalpy somasy 11 mln teńgeden asatyn aqsha qarajatyn zańdastyrýdyń bir faktisi tirkeldi», - dedi Berikhan Nurǵalıev.