Esirtki satpaq bolǵan Qostanaı turǵyny 15 jylǵa sottalýy múmkin
QOSTANAI. QazAqparat - Esirtki zatyn satpaq bolǵan Qostanaı turǵyny 15 jylǵa sottalýy múmkin, dep habarlaıdy QazAqparat oblystyq PD baspasóz qyzmetine silteme jasap.
Qostanaı oblysy polıtsııa departamentiniń esirtki bıznesine qarsy kúres basqarmasynyń qyzmetkerleri jedel iz kesý sharasy barysynda 48 jastaǵy Qostanaı qalasynyń turǵyny ustaldy. Onyń garajynan geroın tabyldy. Nátıjesinde 170 grammnan astam esirtki zatynyń zańsyz aınalymǵa túsýine tosqaýyl qoıyldy.
«Atalǵan derek boıynsha QR Qylmystyq Kodeksiniń «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý nemese ótkizý» 297-baby boıynsha sotqa deıingi tergeý amaldary bastaldy, jaza merzimi múlkin tárkileýmen 15 jyldy quraıdy», - delingen polıtsııa departamentiniń habarlamasynda.
Qazirgi ýaqytta kúdikti ýaqytsha ustaý ızolıatoryna qamaldy.
Jalpy, ótken jyly polıtsııa qyzmetkerleri elimiz boıynsha 7374 qylmystyq esirtki quqyq buzýshylyǵyn anyqtady, onyń 1359-y - esirtki ótkizý faktisi. Zańsyz aınalymnan 18 tonna esirtki alyndy, onyń ishinde 40 kg jýyǵy - geroın.
