Esirtki satqandar ómir boıyna bas bostandyǵynan aıyrylýy múmkin
ASTANA. QazAqparat - QR Parlament Senatynyń tóraǵasy Qasym-Jomart Toqaev esirtki taratýshylarǵa qatysty qatań jazany qoldaný kerektigin aıtty, dep habarlaıdy QazAqparat tilshisi.
«Esirtkimen kúres máselesi óte ózekti taqyryp. Esirtkini taratýshylarǵa qatysty senatorlar sot ári qylmystyq qýdalaý tártibin kúsheıtýge kúsh salýy kerek. Osy oraıda, qylmyskerlerdi ómir boıyna bas bostandyǵynan aıyrý jaýapkershiligin nemese odan da qatań jazany qarastyrǵan jón bolar. Óıtkeni bul másele memlekettiń ultyq múddelerimen shektesip tur. Sondyqtan osy zańsyz áreketter lańkestik is-qımyldarǵa teńestirilýi múmkin», - dedi Q. Toqaev Senattyń jalpy otyrysynda.
Budan buryn habarlanǵandaı, búgin Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine esirtki, psıhotroptyq zattar, sol tektester men prekýrsorlar aınalymyn baqylaý máseleleri boıynsha ózgerister men tolyqtyrýlar engizý týraly» Zańyn eki oqylymda qabyldandy.
Osyǵan deıin, QR Іshki ister mınıstri Qalmuhanbet Qasymov sıntetıkalyq esirtkiler qaı elderden jetkiziletinin aıtqan bolatyn.
