Esirtki satqan shyǵysqazaqstandyq azamattar ustaldy
ASTANA. 23 qańtar. QazAqparat - Shyǵys Qazaqstan oblysynda geroın satqan Óskemen qalasynyń turǵyndary ustaldy.
Bul týraly búgin brıfıngte QR ІІM resmı ókili Nurdildá Oraz málimdedi.
«Shyǵys Qazaqstan oblysy ІІD esirtki bıznesine qarsy kúres basqarmasynyń qyzmetkerleri geroındi satýmen aınalysatyn adamdar tobyna ázirleme júrgizý barysynda Óskemen qalasynda osy oblys ortalyǵynyń birneshe turǵynyn ustady», dedi N. Oraz.
Onyń aıtýynsha, qala kósheleriniń birinde Solnechnyı eldi mekeniniń 36 jastaǵy turǵynynyń basqarýynda «Toıota-Kamrı» avtomashınasy ustaldy. Odan birneshe gramm geroım tabyldy. Buryn sottalǵan 29 jastaǵy qala turǵynynyń páterin tintý barysynda 5 gramm shamasynda geroın tabyldy.
«Ázirleme júrgizý barysynda polıtsııa geroındi buryn esirtki qylmysy úshin sottalǵan 29 jastaǵy qala turǵynynan satyp alatyny anyqtaldy. Ony ustaý kezinde qaltasynda salmaǵy 10 gramm geroıni bar polımerlik býma tabyldy», dedi ol sózin tolyqtyryp. Resmı ókildiń sózinshe, onyń da páterin tintý barysynda 266 gramm geroın tabyldy. Ustalǵandar ýaqytsha oqshaýlaý abaqtysyna qamaýǵa alyndy, tergeý júrgizilýde.
