Esirtki satatyn sheteldik saıttar buǵattaldy

NUR-SULTAN.QazAqparat - Nur-Sultan qalasynyń prokýratýrasy esirtki jáne psıhotroptyq zattar satatyn 6 sheteldik saıtty anyqtady, dep habarlaıdy QazAqparat tilshisi.

Saıt arqyly esirtki saýdasy qalaı júretinin tutynýshylardyń ózderi aıtyp bergen. Aqsha tólengennen keıin baqylaý kamerasy joq, el sırek júretin qupııa oryndarǵa «taýar» jasyrylyp, keıin mekenjaı saıt arqyly satyp alýshyǵa joldanyp otyrǵan.

«Mundaı tásil TMD-niń ózge elderinde de keń tarap otyr. Atalmysh saıttardyń barlyǵy Qazaqstan aýmaǵynda buǵattaldy», - delingen qalalyq prokýratýra taratqan resmı aqparatta.