Esirtki paıdalanǵan pavlodarlyq terakt týraly jalǵan habar taratqan
PAVLODAR. QazAqparat – Terakt týraly jalǵan aqparat taratqan Pavlodar turǵyny bes jylǵa sottalýy múmkin, dep habarlaıdy QazAqparat tilshisi.
«Tártip saqshylary buryn sottalǵan 36 jastaǵy oblys ortalyǵynyń turǵynyn anyqtap, ustady. Ol esirtki paıdalanyp, uıaly telefonymen 112 operatoryna lańkestik áreketke kýá bolǵanyn habarlaǵan», - dep málimdedi Pavlodar oblystyq polıtsııa departamentiniń baspasóz qyzmetinen.
Belgili bolǵandaı, 22:00-de Pavlodar turǵynynan polıtsııaǵa Marǵulan kóshesi, №118 úıdiń kireberisinde terrorıstik shabýyl jasalǵany týraly habar túsken.
«Atalǵan fakti boıynsha oqıǵa ornyna polıtseıler men jedel qyzmet jiberilgen. Jan-jaqty tekseris júrgizilgennen keıin bul fakti rastalmady, ıaǵnı jalǵan habar taratqan», - dedi departamentte.
Endi osy fakti boıynsha QR QK 273-baby «Terrorızm aktisi týraly jalǵan habar taratý» boıynsha sotqa deıingi tergeý júrip jatyr. Kúdikti Pavlodar polıtsııa basqarmasy ýaqytsha ustaý ızolıatoryna qamaldy.
Bul bap boıynsha kúdikti bes jylǵa deıin bas bostandyǵynan aıyrylýy múmkin. Pavlodarlyq qaljyńy úshin sot aldynda jaýap beredi.
