Esirtki ótkizýshiler Aqtaýǵa «sıntetıka» jetkizilimin uıymdastyrýǵa tyrysqan
Aqtaý qalasyna atalǵan esirtkini jetkizý týraly málimet alynǵannan keıin jalǵa alynǵan páterde qoldarynda jalpy salmaǵy 96 gramm esirtki partııasy bar Qazaqstannyń eki áıel azamaty ustaldy. Jaýap alý barysynda qyzdar esirtki ótkizý naryǵyn zerdeleý jáne kóterme saýdaǵa satyp alýshylardy izdestirý úshin Aqtaýǵa kelgeni anyqtaldy.
Budan keıin jedel is-sharalar kesheniniń nátıjesinde sol jaldamaly páterde taǵy eki «gastroler» ustaldy. Mefedronnyń taǵy bir partııasyn ótkizý úshin Aqtaý qalasyna kelgen olardan 392 gramm sıntetıkalyq esirtki alyndy.
Ustalǵandarǵa qatysty qylmystyq Kodekstiń 297-babynyń 3-bóligi boıynsha «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, ıemdený, saqtaý tasymaldaý nemese adamdar tobynyń aldyn ala sóz baılasýymen ótkizý» sotqa deıingi óndiris bastaldy. Jaza múlkin tárkileýmen on jyldan on bes jylǵa deıin bas bostandyǵynan aıyrýdy kózdeıdi.