Esirtki qoldanýshylardyń jalpy sany 13 paıyzǵa qysqardy
ASTANA. 28 qarasha. QazAqparat - Aǵymdaǵy jyly Іshki ister organdary 3238 esirtki qylmysyn anyqtady, onyń 1962-si esirtkini satý faktisi. Bul jaıynda QR ІІM málimetterinde habarlanǵan.
Belgili bolǵandaı, 24 tonnodan astam esirtki tárkilendi, onyń ishinde 106 kg geroın. 60 esirtki qylmysyn jasaǵan 11 uıymdasqan qylmystyq top joıyldy. 49 esirtki kontrabandasy anyqtaldy. 25 esirtki prıtony joıyldy.
Esirtki qoldanýshylardyń jalpy sany 13 %-ǵa qysqardy (47833-ten 41614-ke deıin), onyń ishinde áıelder - 14 %-ǵa (3754-ten 3232 -ge deıin), kámeletke tolmaǵandar -17 %-ǵa (2653-ten 2202-ge deıin) azaıdy.
