Esirtki qoldanǵan ári saqtaǵan kópbalaly sheteldik áıel elden shyǵaryldy
Esirtkilik mas kúıde kólik basqaryp, qol sómkesinde ártúrli 34 dana psıhotroptyq dári-dármek saqtaǵan 30 jastaǵy Ózbekstan azamatshasyna qatysty QR ÁQBtK-niń 608-babymen ákimshilik hattama toltyrylyp, is-qujattar ákimshilik sotqa joldanǵan bolatyn. Tekseris barysynda tártip saqshylary 30 jastaǵy sheteldik azamatsha men onyń 6 balasynyń qujatsyz júrgenin anyqtaǵan.
Sheteldik áıel Atyraý qalasyna 2013 jyly kelip, jeke basyn anyqtaıtyn qujattaryn joǵaltyp alǵan. Sonymen qatar, 7, 5, 3, 2, 1 jastaǵy jáne 2022 jyly týǵan balalarynyń da qujattary bolmaǵan. Osylaısha, Atyraý qalalyq Polıtsııa basqarmasynyń kóshi-qon qyzmeti bóliminiń qyzmetkerleri Atyraý qalalyq perzenthanasynan kámeletke tolmaǵan alty balaǵa týý týraly anyqtama alyp, Ózbekstan Respýblıkasynyń Elshiligine atalǵan áıeldi eline qaıtarý úshin beriletin kýálikti alyp berýge yqpal etip, tıisti zańdy kómek kórsetti.
Atyraý qalasy boıynsha ákimshilik quqyq buzýshylyqtar jónindegi mamandandyrylǵan sotynyń qaýlysymen 30 jastaǵy Ózbekstan Respýblıkasynyń azamatshasy alty balasymen QR aýmaǵynan tysqary shyǵaryldy.
