Esirtki daıyndaýmen aınalysqan top ustaldy - Jambyl oblysy
29 qazan kúni túngi saǵat 2:00 shamasynda «Kóknar-2019» jedel-aldyn alý is-sharasyn ótkizý barysynda Jambyl oblystyq Polıtsııa departamenti Esirtki qylmysyna qarsy is-qımyl basqarmasynyń qyzmetkerleri esirtki daıyndaýdy kásip etken 5 kúdiktini qolǵa túsirdi. Bul týraly atalmysh departamenttiń baspasóz qyzmetinen habarlady.
«T.Rysqulov aýdany Qyzyl-Sharýa aýyly, »Quldybaı« ýchaskesiniń mańynda jabaıy sorany jınaý jáne daıyndaý kezinde Jambyl oblysynyń bes turǵyny ustalyp, olardan 149,6 keli marıhýana jáne sorany kesý úshin eki oraq tárkilendi», - delingen vedomstvo málimetinde.
Búgingi tańda kúdiktiler kinásin tolyq moıyndap, Taraz qalasynyń ýaqytsha ustaý abaqtysyna qamalǵan. Fakti boıynsha QR QK 297-baby 3-bóligimen sotqa deıingi tergeý júrgizilýde.