Esirtki bıznesine qarsy kúres jáne esirtki aınalymyn baqylaý komıtetiniń burynǵy tóraǵasy Asqar Isaǵalıev Astana qalasynyń ýaqytsha ustaý abaqtysyna qamaldy
ASTANA. Shildeniń 22-si. QazAqparat. Aǵymdaǵy jyldyń 22 shildesinde Qazaqstan Respýblıkasy Іshki ister mınıstrliginiń Esirtki bıznesine qarsy kúres jáne esirtki aınalymyn baqylaý komıtetiniń burynǵy tóraǵasy Asqar Isaǵalıev QR Bas prokýratýrasy men ІІM Interpol Ulttyq ortalyq bıýrosy qyzmetkerleriniń basshylyǵymen elimizge jetkizilip, Astana qalasynyń ýaqytsha ustaý abaqtysyna qamaldy,
dep habarlaıdy QR Bas prokýratýrasynyń baspasóz qyzmeti.
Jazany aýyrlatatyn mán-jaılar jaǵdaıynda qyzmettik ókilettigin teris paıdalanǵany úshin izdeýde júrgen A. Isaǵalıv osy jyldyń 9 qańtarynda Túrkııanyń Antalıa qalasynda ustalǵan bolatyn. Bas prokýratýra Túrkııanyń quqyq qorǵaý organdary tarapyna Isaǵalıevti Qazaqstanǵa ekstradıtsııalaý týraly qoldaýhat joldaǵan edi.
Osy qoldaýhatty qaraý nátıjesinde Túrkııanyń Mınıstrler keńesi ony Qazaqstanǵa berý týraly sheshim qabyldaǵan.
