Esirtki bıznesine qarsy kúres komıtetiniń burynǵy tóraǵasy A.Isaǵalıev Qazaqstanǵa jetkizildi
ASTANA. Shildeniń 22-si. QazAqparat - Búgin Qazaqstan Respýblıkasy Іshki ister mınıstrliginiń Esirtki bıznesine qarsy kúres jáne esirtki aınalymyn baqylaý komıtetiniń burynǵy tóraǵasy Asqar Isaǵalıev QR Bas prokýratýrasy men ІІM Interpol Ulttyq ortalyq bıýrosy qyzmetkerleriniń kúshimen elimizge jetkizilip,
Astana qalasynyń ýaqytsha ustaý abaqtysyna qamaldy.
Bul týraly QR Bas prokýratýrasy halyqaralyq yntymaqtastyq departamentiniń baspasóz baıandamasynda aıtylǵan.
Jazany aýyrlatatyn mán-jaılar jaǵdaıynda qyzmettik ókilettigin teris paıdalanǵany úshin izdeýde júrgen A. Isaǵalıv osy jyldyń qańtardyń 9-da Túrkııanyń Antalıa qalasynda ustalǵan bolatyn. Bas prokýratýra Túrkııanyń quqyq qorǵaý organdary tarapynan Isaǵalıevti Qazaqstanǵa ekstradıtsııalaý týraly ótinish joldaǵan edi.
Osy ótinishti qaraý nátıjesinde Túrkııanyń Mınıstrler keńesi ony Qazaqstanǵa berý týraly sheshim qabyldaǵan.
