Esirtki bıznesimen kúres jóninde keshendi jospar ázirleý qajet - Prezıdent

NUR-SULTAN. QazAqparat - Nashaqorlyqpen jáne esirtki bıznesimen kúres jónindegi keshendi jospar ázirleý qajet. Bul jaıynda QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy QazAqparat tilshisi.

«Ult densaýlyǵyna sıntetıkalyq esirtki tutynýdyń artyp kele jatqandyǵy úlken qater tóndiredi. Qarqyny óte teris: sońǵy úsh jylda aınalymnan alynatyn sıntetıka kólemi on esege artqan. Sıntetıkalyq esirtki jyldan jylǵa arzan ári qoljetimdi bolyp keledi. Olar áleýmettik jeliler, messendjeler arqyly kedergisiz satylady. Tipti úıge de jetkizilip beriledi», - dep atap ótti QR Prezıdenti.

Memleket basshysynyń atap ótýinshe, osynaý óte qaýipti áleýmettik aýrýdyń aýqymyn eskere otyryp, sıntetıkalyq esirtkiniń óndirisimen jáne taralýymen kúres jalpyulttyq sıpatta bolýy tıis.

«Sondyqtan Nashaqorlyqpen jáne esirtki bıznesimen kúres jónindegi keshendi jospar ázirleý qajet», - dep atap ótti Memleket basshysy.

Foto: depositphotos.com