Esirtki baronynyń úıi 10 mln dollarǵa satyldy
ASTANA. QazAqparat - Kolýmbııalyq esirtki barony jáne Medelın karteliniń basshysy Pavlo Eskobardyń Maıamıdegi úıi 10 mıllıon dollarǵa satyldy, dep habarlady La Segunda basylymy.
Ótken ǵasyrdyń 80-sh jyldary ol AQSh-taǵy kóp izdelip jatqan jáne álemniń eń baı adamy dep sanaldy. Eskobar kokaındy AQSh-qa tonnalap satty, quqyq qorǵaý organdary ony uzaq ýaqyt boıy ańdydy. Esirtki saýdageri 1993 jyly kolýmbııa polıtsııanyń elıtalyq bólimshesiniń arnaıy operatsııasy kezinde óltirildi. Ol mert bolǵannan keıin Medelın karteli de ómir súrýin toqtatty.
Onyń kólemi 700 sharshy metr úıi men jer ýchaskesin Maıamıde meıramhanalar jelisi bar kásipker satyp aldy. Jańa qojaıyn úıdi qulatyp, onyń ornyna basqasyn salmaqshy.
Eskobardyń ıeligin 80-shi jyldary AQSh ókimet oryndary tárkilegen bolatyn. Ol kezde esirtki baronynyń Qurama Shtattarda quny mıllıon dolpar turatyn birneshe úıi boldy.
