Esirtki aınalymymen kúres: 35 dáriger jaýapkershilikke tartyldy
Bıylǵy 29 qarasha men 3 jeltoqsan aralyǵynda respýblıka boıynsha «Dármek» jedel-aldyn alý is-sharasynyń tórtinshi kezeńi ótkizildi. Negizgi maqsaty – esirtki quraldarynyń, psıhotroptyq zattar men prekýrsorlardyń zańdy aınalymyndaǵy buzýshylyqtardy anyqtaý. Іs-shara barysynda osy zattardy óz qyzmetinde paıdalanatyn 75 kásiporyn men uıym tekserilgen.
Alty kún ishinde elimizde QR Qylmystyq kodeksiniń 303-baby (Esirtki, psıhotroptyq nemese ýly zattarmen jumys isteý erejelerin buzý) boıynsha 12 qylmys anyqtaldy.
Nur-Sultan qalasynda, Aqmola jáne Shyǵys Qazaqstan oblystarynda quramynda esirtki quraldary bar preparattar aınalymy erejelerin buzýǵa jol bergen 3 medıtsına qyzmetkerine qatysty qylmystyq ister qozǵaldy.
129 ákimshilik quqyq buzýshylyq tirkeldi:
– 5 zańsyz farmatsevtıkalyq qyzmeti úshin (QR ÁQBtK 424-b.);
– 95 farmatsevtıkalyq qyzmet erejelerin buzǵany úshin (QR ÁQBtK 426-b. 1-b.);
– 24 obektiniń tehnıkalyq nyǵaıtý talaptaryn buzǵany úshin;
– 5 lıtsenzııalaý normalaryn buzǵany úshin (QR ÁQBtK-niń 464-b.).
«Ákimshilik jaýapkershilikke 129 adam tartyldy, onyń ishinde 32 medıtsına qyzmetkeri. Barlyq materıaldar Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń aýmaqtyq bólimshelerine berildi. Aınalymnan 356 esirtki ampýlasy, 5 258 tabletka, 173 psıhotroptyq zattar ampýlasy, 258 prekýrsorlar ampýlasy alyndy», - delingen saıtta.
Aqparatqa sáıkes, quramynda esirtki zaty bar medıtsınalyq preparattardy «qara naryqta» satý faktileri anyqtalýda. ıAǵnı psıhobelsendi áseri bar dárihanalyq preparattar jasóspirimderdiń qyzyǵýshylyǵyn týdyrady jáne olardyń esirtki tutynýyna tikeleı sebepshi bolady.
Mysaly, Almaty oblysynyń turǵyny sıntetıkalyq apıyndarǵa jatatyn 20 tabletkamen ustaldy. Atyraý oblysynda osyndaı eki fakti anyqtaldy. Barlyǵy 3 870 tabletka jáne atropın serııasynyń 70 quty tamshylary tárkilendi.
Osyǵan uqsas fakti Temirtaý qalasynda anyqtaldy, onda dúkende dárihanalyq preparattyń 10 tabletkasyn satqan jergilikti turǵyn ustaldy. Mundaı dári-dármekter adam ómiri men densaýlyǵyna zııandy áser etetin kúshti zattardyń tizimine engizilgen. Ony ákelý jáne taratý jónindegi baqylaý fýnktsııalaryn densaýlyq saqtaý organdary júzege asyrady.
