Esimov «Samuryq-Energo» men «Inter RAO» arasyndaǵy mámileni aıaqtaýdy tapsyrdy

NUR-SULTAN. QazAqparat - Ekibastuz qalasynda «Samuryq-Energo» kompanııalar tobynyń máseleleri boıynsha keńes ótti. Oǵan «Samuryq-Qazyna» AQ Basqarma tóraǵasy Ahmetjan Esimov qatysty, dep habarlaıdy QazAqparat.

«Samuryq-Energo» AQ Basqarma tóraǵasy B. Jolamanov Qor basshysyna aǵymdaǵy jaǵdaı jóninde baıandady. Atap aıtqanda, B.Jolamanov bıyl aqpan aıynda Fitch Ratings halyqaralyq reıtıng agenttiginiń turaqty degen baǵasyn atap ótti.

Budan basqa, «Samuryq – Energo» AQ Basqarma tóraǵasy bıyl sáýirde Shardara AQ № 2 gıdroagregatyn paıdalanýǵa berýdiń mańyzdylyǵyn atap ótti.

Ahmetjan Esimov «Samuryq – Energo» AQ basshylyǵynyń nazaryn elektr energııa eksportynyń tómendeýine aýdartty.

Sondaı aq, obektilerdi jylý maýsymyna daıyndaý qajettigine nazar aýdardy. Jıyn sońynda Qordyń Basqarma tóraǵasy birqatar tapsyrmalar berdi. Onyń ishinde reseılik «Inter RAO» kompanııasynyń úlesin satyp alý jónindegi kelisimdi tezdetip aıaqtaý keregin aıtty.

Sonymen qatar, Ekibastuz GRES-2 № 3 blogynyń qurylysyn jedeldetý, elektr energııasy eksportyn ulǵaıtý perspektıvasyn pysyqtaý qajettigi aıtyldy. Qor basshysy kompanııany jekeshelendirý qarsańynda qoıylǵan mindetterdi oryndaýdyń erekshe mańyzdylyǵyn atap ótti.