Esimi ańyzǵa aınalǵan boksshy Muhammed Álı qaıtys boldy
ASTANA. QazAqparat - AQSh-ta tynys alý problemalaryna baılanysty aýrýhanaǵa jatqyzylǵan esimi ańyzǵa aınalǵan boksshy Muhammed Álı juma kúni qaıtys boldy, dep habarlaıdy NBC News.
74 jastaǵy Álı sońǵy birneshe kún jatqan Fınıks aýrýhanalarynyń birinde kóz jumdy. Amerıkandyq telekompanııaǵa sportshynyń ólimi týraly aqparatty onyń otbasynyń ókili rastady, dep jazady RIA Novostı.
Brıtandyq Mirror basylymy 3 maýsymda 74 jastaǵy amerıkandyqtyń aýrýhanaǵa tynys alý problemalaryna baılanysty jatqyzylǵanyn habarlady. Keıinirek amerıkandyq Fınıkstegi emhana dárigerleri esimi ańyzǵa aınalǵan boksshynyń týystaryna onyń hali óte nashar ekenin jetkizdi. Dárigerler Álıdi Fınıks aýrýhanasynan shyǵarý máselesin qarastyrdy, alaıda bul patsıent úshin aýyr bolady degen uıǵarymǵa keldi.
