Esimi álemge tanymal saıahatshy Marıchalar Gavanadan AQSh-qa gıdrotsıklmen saparǵa attandy
ASTANA. 21 sáýir. QazAqparat - Tanymal ıspandyq saıahatshy Alvaro de Marıchalar Kýba astanasynan Maııamıge taqaý jerdegi Amerıkanyń Kı-Ýest aralyǵyna gıdrotsıklmen attandy.
Bul týraly sheteldik buqaralyq aqparat quraldaryna silteme jasaǵan Reseıdiń «Jańalyqtar» aqparat agenttigi habarlady.
Jýrnalısterdiń derekterine qaraǵanda, 51 jastaǵy sportshy osydan 500 jyl buryn konkıstador Hýan Ponse de Leon Pýerto-Rıkodan qazirgi Florıda men Gavanaǵa sapar shegip, ıspan taǵy úshin jańa jerler ashqan baǵdaryn aıaqtamaq. 20 kúnniń ishinde Marıchalar Numancia sý mototsıklimen shamamen eki myń teńiz mıli jolyn júrip ótpek.
Saıahatshy sapar qorytyndysy boıynsha National Geographic telearnasy úshin derekti fılm ázirleýdi josparlap otyr.
