Esilge munaı tókken Astana áýejaıy 13 mln. teńgeden astam aıyppul tóleıdi - Prokýratýra
ASTANA. 8 tamyz. QazAqparat - «Astana halyqaralyq áýejaıy» AQ Esil ózenine tógilgen munaı úshin 13 mln. teńgeden astam aıyppul tóleıtin bolady. Bul týraly Bas kólik prokýratýrasynyń baspasóz qyzmetinen habarlandy.
«Esil ózenine áýejaı qubyry arqyly munaı óniminiń tógilýine qatysty Astana qalalyq avıatsııalyq kólik prokýratýrasy «Astana halyqaralyq áýejaıy» kompanııasynyń ekologııalyq zańnama talaptaryn oryndaýyna tekseris júrgizgen bolatyn. Sonymen qatar, prokýratýranyń talap etýine oraı, áýejaı munaı óniminiń tógilý sebepteri men onyń saldaryn joıýǵa, sý men topyraqty tazartýǵa baǵyttalǵan jumystardy qolǵa aldy. Budan bólek, osy másele aıasynda prokýratýra tarapynan «Astana halyqaralyq áýejaıy» AQ eki laýazymdy tulǵasyna zań buzýshylyqtardy joıý úshin 2 usynys berilse, ákimshilik jaýapkershilikke tartylǵan 1 zańdy jáne 6 laýazymdy tulǵaǵa 199 myń teńgeden astam soma kóleminde ákimshilik aıyppul salynǵan», - delingen baspasóz baıanynda.
Sonymen birge, prokýratýra tarapynan qozǵalǵan ákimshilik is boıynsha ekologııalyq zańnamany buzǵandyǵy úshin «Astana halyqaralyq áýejaıy» AQ-na 13 mln. teńgeden astam aıyppul salynyp otyr.
