Esilde keme júzý maýsymy bastalady
ASTANA. QazAqparat - Astanada 11 mamyrda Esil ózeninde keme júzý maýsymy bastalady, dep habarlaıdy qala ákimdiginiń saıty .
Eske sala ketsek, byltyr navıgatsııa maýsymy 18 qazanda aıaqtaldy.
«Esil-Astana» QKQK aqparaty boıynsha, byltyrǵy maýsymda kásiporyn 20 myńǵa jýyq jolaýshyǵa qyzmet kórsetken. Bul rette 5 jolaýshy teplohody qatynady.
Budan bólek, jalpy somasy 2 mln 977 myń teńgege teplohodtar jalǵa berildi.
Astanada kemeler qyzmeti 2009 jyldan beri jumys istep keledi. Tasymaldaý sharalaryn Astana qalasynyń ákimdigi Jolaýshylar kóligi jáne avtomobıl joldary basqarmasynyń «Esil-Astana» MQKK júzege asyrady.
Sý kólikteri qubylmaly aýa raıy kezinde jáne qatty jelde ózende júzýdi toqtatady.
