Esilde buzaqy balalar «Astana-Máskeý» jolaýshylar poıyzynyń terezesin syndyrdy
ASTANA. QazAqparat - Aqmola oblysynda kámelettik jasqa tolmaǵan balalar «Astana-Máskeý» jolaýshylar poıyzynyń terezesin syndyrdy.
«2015 jyldyń 7 shildesi kúni saǵat 17:00 kezinde Astana stansasyndaǵy Іshki ister jelilik basqarmasyna Esil stansasyndaǵy JPb kezekshisiniń ınspektory polıtsııa kapıtany Daýletbaev K.-dan «Esil-Surǵan» aınalymynyń 429 shaqyrymynda «Astana-Máskeý» baǵytyndaǵy jolaýshylar poıyzynyń 10 vagonynyń 1 kýpesiniń terezesin belgisiz bireýlerdiń shaǵyp ketkendigi týraly aqparat kelip tústi, dep habarlady Astana stansasyndaǵy ІІJB ÁPB bastyǵy A. Qılybaev.
Abyroı bolǵanda, tereze shaǵylǵan kezde kýpede bolǵan jolaýshylardyń densaýlyǵyna zalal kelgen joq.
Atalǵan fakt boıynsha Esil stansasyndaǵy JPb qyzmetkerleri dereý oqıǵa orynyna jetip, jedel izdestirý sharalaryn júrgizý barysynda osy áreketti jasaǵan 4 kámelettik jasqa tolmaǵan balany anyqtady. Olardyń barlyǵy Esil qalasynyń mektepterinde oqıtyn 6 jáne 7 synyp oqýshylary bolyp shyqty.
Qazir osy atalǵan jasóspirimderdiń ata-analaryna qatysty QR ÁQBtK-nyń 448 baby 1 tarmaǵy (jasóspirimder vandalızmi) boıynsha ákimshilik óndiris bastalyp, Aqmola oblystyq mamandandyrylǵan aýdanaralyq ıÝvenaldyq sotqa joldaý úshin materıaldar daıyndalýda. Endi ata-analar jolaýshylar tasymaly fılıalyna synǵan terezeniń shyǵynyn tólep berýge mindetti bolmaq.
