«Esil» stansasynda jolaýshylar poıyzy 8 saǵatqa jýyq turyp qaldy

ASTANA. QazAqparat - «Esil» stansasynda 7 saǵat 30 mınýt kidirgen «Almaty-Qostanaı» baǵytyndaǵy jolaýshylar poıyzy jolǵa shyqty, - dep habarlaıdy «QazAqparat» HAA tilshisi.

Bul týraly «QazAqparat» tilshisine «Túrkisib Astana» JShS dırektory Vladımır Rojko telefon arqyly málim etti. «Saǵat 10:25-te poıyz jolǵa shyqty, jalpy bógelgen ýaqyty 7 saǵat 30 mınýt», - dedi ol.

Jolaýshylardyń áleýmettik jelilerge jazǵan shaǵymdarynda, vagondardyń sýytyp ketkenin aıtady. V.Rojko bolsa qajetti temperatýranyń saqtalyp turǵanyn jetkizdi.

«Vagondarǵa qajetti 18-20 gradýs bar. Ot janyp tur, jylý bar. Eger bireýler tońǵan bolsa ony adamı faktor dep aıtýǵa bolady. Vagondarda jetkilikti bolsa da, Qusmurynnan qosymsha kómir ázirlettim», - dedi ol.

Buǵan deıin, áleýmettik jelilerde «Almaty-Qostanaı» baǵytyndaǵy №43 poıyz stansada birneshe saǵattan beri toqtap tur degen shaǵymdar jazyla bastaǵan bolatyn.