«Esil RUN»: Astanada jazǵy júgirý maýsymynyń ashylýy ótedi

ASTANA. KAZINFORM – Elorda turǵyndary men qonaqtary «Zań men tártip» qaǵıdaty aıasynda uıymdastyrylatyn «Esil RUN» jazǵy júgirý maýsymynyń ashylýyna shaqyrylady, dep habarlaıdy qala ákimdiginiń resmı saıty.

Іs-shara 11 sáýir kúni Botanıkalyq saıabaqta (Orynbor kóshesi jaǵynan) ótedi. Jarystyń jalpy qashyqtyǵy – 4 shaqyrym.

Qatysýshylardy tirkeý jarys kúni tańǵy saǵat 07:30-dan 09:00-ge deıin júrgiziledi. Júgirý jarysynyń bastalýy – saǵat 09:00.
Uıymdastyrýshylardyń aıtýynsha, bul – bıylǵy júgirý maýsymynyń alǵashqy jarysy.

– Qatysý tegin. Qatysýshylar sany 1 500 adammen shekteledi. Belgilengen lımıtke jetken jaǵdaıda tirkeý aldyn ala jabylady, - deıdi sporttyq-buqaralyq is-sharalardy ótkizý dırektsııasy basshysynyń orynbasary Erjigit Óserbaı.

Іs-shara sońynda qatysýshylarǵa estelik medaldar tabystalyp, baǵaly syılyqtar oınatylady.

Aıta keteıik, «Esil RUN» júgirýi Astana qalasy ákimdiginiń qoldaýymen qalalyq sport basqarmasy men Esil aýdany ákimdiginiń uıymdastyrýymen ótedi. 

Buǵan deıin elordada konkýrdan Qazaqstan chempıonaty ótkenin jazǵanbyz.