Esil ózeniniń jaǵasynda tegin avtoturaq paıda boldy
ASTANA. QazAqparat - Astanada Esil ózeniniń boıyndaǵy «Grand Alataý» TK janynda tegin avtoturaq paıda boldy, dep habarlaıdy QazAqparat elorda ákimdiginiń resmı saıtyna silteme jasap.
Jańa avtoturaqta 37 orny bar jáne onda múmkindigi shekteýli jandar úshin de kólik orny belgilengen.
Kólik qoıatyn oryn sol mańdaǵy aýlalardaǵy júrgizýshiler júktemesin jeńildetýge arnaldy.
«Sonymen birge, turǵyndarǵa jaıly bolý úshin avtoturaq janynda qosymsha oryndyqtar, shaǵyn sáýlettik formalar jáne kún panelimen jumys isteıtin shamdar ornatyldy. Munyń barlyǵy túngi ýaqytta turaqqa jaryq túsirý jáne astanalyqtardyń ýaqytyn tıimdi etip ótkizýi úshin jasalǵan», - dep jazylǵan ákimdik saıtynda.
