Esil ózeniniń jaǵalaýynan 5 júk kóligi toly qoqys shyǵaryldy
NUR-SULTAN. QazAqparat - Esil ózeniniń jaǵalaýynan 5 júk kóligi toly qoqys shyǵaryldy, dep habarlaıdy QazAqparat Elorda Infoǵa silteme jasap.
«Astana sý arnasy» mekemesiniń júzden astam qyzmetkeri #tazaQazaqstan ekologııalyq aktsııasyna qatysty. Bul shara qala ákimi Altaı Kólginovtiń bastamasymen ótip jatyr Buǵan deıin de qala turǵyndary astana mańyndaǵy saıabaqtar men ózen jaǵalaýyn jyldar boıy jınalǵan qoqystan tazartqan bolatyn.
Aktsııaǵa qatysýshylar Esil ózeniniń jaǵalaýyn turmystyq qaldyqtar men basqa da qoqystardan tazartty. Eki saǵatqa sozylǵan senbilikte mekeme qyzmetkerleri 5 jú kóligine tıelgen qoqys jınaǵan. Arnaıy tehnıka ózen jaǵalaýynan jınalǵan qoqysty polıgonǵa áketti.
«Bul jerde kóptegen dala gúlderi ósedi eken. Biraq aınaladaǵy shashylyp jatqan qoqystar olardyń ósýine kedergi keltirýde. Arnaıy tehnıkamen qatar qyzmetkerler qoqystardy qolmen jınap, ózenniń jaǵalaýyn tazartty», - dep kórsetti tazalyq sharasyna qatysýshylar.
