Esil ózeniniń túbinen kólik dóńgelegi, jıhaz sekildi qoqys tabyldy
NUR-SULTAN. QazAqparat - Nur-Sultan qalasynyń qorshaǵan ortany qorǵaý jáne tabıǵatty paıdalaný basqarmasy Esil ózeninde súńgýirlik jumystar júrgizip jatyr, dep habarlaıdy QazAqparat elorda ákimdiginiń resmı saıtyna silteme jasap.
Bul jumystar ózen túbiniń qazirgi jaı-kúıin tekserý, ártúrli qoqystardan tazartý, Esil ózeninde túbin tazartý jáne jaǵalaýdy nyǵaıtý jumystaryn odan ári júrgizý úshin sý túbinde tunba shógindileriniń deńgeıin jáne ózen tereńdigin aıqyndaý úshin júrgiziledi.
Súńgýirler Kenesary kóshesinen Syǵanaq kóshesine deıingi ýchaskede, sondaı-aq Telman eldi mekenindegi «Jasyl aral» aýdanynda Esil ózeniniń túbin tekserdi.
Esil ózeni akvatorııasynyń túbiniń 88 900 m2 aýmaǵy tekserildi jáne túrli qoqystan tazartylyp, 889 núktede sý túbi/tunba shógindileriniń deńgeıi anyqtaldy.
Zertteý barysynda Esil ózeniniń túbinde kólik dóńgelekteri, jıhaz bólikteri sol sııaqty ózge de iri kólemdi qaldyqtar tabyldy.
Osyǵan baılanysty qala turǵyndary qorshaǵan ortaǵa asqan jaýapkershilikpen qaraýy qajet.
