Esil ózeniniń arnasyn jańartý jumystary 2021 jyly aıaqtalady

NUR-SULTAN. QazAqparat - Nur-Sultan qalasy ákiminiń orynbasary Nurlan Nurkenov Esil ózeniniń arnasyn qalpyna keltirý jumystarynyń barysyn tekserdi, dep habarlaıdy QazAqparat qala ákimdiginiń resmı saıtyna silteme jasap.

Jobany iske asyrý sý tasqyny kezinde qalany qaýipsizdendirýge múmkindik beredi, sondaı-aq keme qatynasynyń damýyna yqpal etedi.

«Esil ózeniniń arnasyn qaıta jańartý jáne keńeıtý jumystary jalǵasyp jatyr. Qazir jobanyń besinshi kezeńi. Altynshy kezeńge kirisý týraly sheshim qabyldandy. Arna túbin tereńdetý, ózen jaǵalaýyn nyǵaıtý arqyly sýdy kedergisiz ótkizý múmkin boldy. Ózen arnasyn qaıta qurý aldaǵy jyldary da sýdy bógetsiz ótkizýge múmkindik beredi», - deıdi N. Nurkenov.

Jyl sońyna deıin ózendegi sý deńgeıin retteýge múmkindik beretin bóget salý jumystary aıaqtalady. Aýmaq kógaldandyrylyp, abattandyrylady. Sarybulaq bulaǵyn abattandyrý jobasy júzege asyp jatyr.

«Esil ózeniniń arnasyn qaıta jańartý jobasynyń sońǵy, altynshy kezeńi 2021 jyldyń kúzinde aıaqtalady. Ózen túbin tereńdetý, jaǵalaýdy nyǵaıtý jumystary támamdalady», – dep atap ótti Nurkenov.