Esil ózenine 200 myń tuqy balyǵy jiberildi - QR AShM
ASTANA. 16 qazan. QazAqparat - Qazaqstan Respýblıkasy Aýyl sharýashylyǵy mınıstrligi Esil ózenine «Kolos» JShS balyqshylarymen ósirilgen tuqy shabaqtarynyń birinshi legin jiberdi.
Sýǵa 200 myń tuqy túsirildi. Bul týraly AShM-niń baspasóz qyzmetinen málim etti.
Ústimizdegi jyly atalmysh kásiporyn Esil ózenine tuqy balyqtarynyń 900 myń danasyn jiberýdi josparlap otyr. Bul qala turǵyndarymen qonaqtary úshin demalý oryndaryn qurýǵa múmkindik berip, sporttyq jáne áýesqoılyq balyq aýlaý kásibiniń damýyna yqpal etedi.
Sońǵy jyldary Esil ózenin belsendi balyqtandyrý boıynsha barlyq sharalar qabyldanýda. Jyl saıyn Maıbalyq balyq pıtomnıgi tuqy balyǵynyń 2 mln. dana ýyldyryǵyn jiberý arqyly ózendegi balyq sanyn kóbeıtýde.
Jyl saıyn respýblıka boıynsha «Balyq resýrstaryn qaıta óndirý» bıýdjettik baǵdarlamasy sheńberinde QR AShM Balyq sharýashylyǵy komıtetiniń kásiporyndarymen sý qoımalaryn balyqtandyrý jumystary júrgiziledi.
2012 jyly atalǵan bıýdjettik baǵdarlama sheńberinde 160 mln.-ǵa jýyq danany quraıtyn balyq shabaqtarynyń jiberilýi josparlanyp otyr
Ústimizdegi jyly respýblıkalyq bıýdjetten konkýrs negizinde memlekettik emes kásiporyndar arasynda sý qoımalaryn balyqtandyrýǵa 150 mln. teńge bólindi.
