Esil ózeninde kemelerdi paıdalaný qaýipsizdigin qamtamasyz etý máseleleri jóninde keńes ótkizildi

dep habarlaıdy mınıstrliktiń baspasóz qyzmeti. Keńeske Astana qalasynyń ákimshiligi, QR Tótenshe jaǵdaılar mınıstrligi, Astana qalasynyń Tótenshe jaǵdaılar departamenti sý-qutqarýshy stantsııasy, «Esil-Astana» MQKM-si, «Saryarqa» Óńiraralyq kóliktik baqylaý ınspektsııasynyń fılıaly, «Keme qatynasy tizimi» MM-siniń ókilderi jáne qaıyqty jalǵa berý stantsııalarynyń ıeleri qatysty.

Keńes barysynda jazǵy kezeńdegi jáne de Astana kúnine oraı Esil ózenindegi sý kólikterin paıdalaný qaýipsizdigin qamtamasyz etý jóninde is-sharalar jaıyndaǵy suraqtar talqylandy.

Elbasy tapsyrmasyn júzege asyrý barysynda jolaýshy-serýen tasymalyn uıymdastyrý, Astanaǵa dástúrli qaıyqtardy jalǵa berý stantsııalaryn paıdalaný, Esil boıyndaǵy júzý quraldarynyń kóbeıýine jáne qarqyndylyǵyna ákep soqty. Qalalyq shomylý aımaqtaryn eskere otyryp, bul jaǵdaılardyń kemelerdiń júzý qaýipsizdigine qater tóndirmeýi kerek.

Kóliktik baqylaý komıtetiniń tóraǵa orynbasary E. Jumashev Esil ózenindegi sý kólikterin paıdalaný qaýipsizdigin qamtamasyz etý Kóliktik baqylaý komıtetiniń, jergilikti atqarýshy organdardyń, sý-qutqarý qyzmetiniń, jáne de keme ıeleri men qaıyqtardy jalǵa berý stantsııalary ıeleriniń birlesip kúsh salýǵa jáne kelisip áreket etýdi talap etetinin atap ótti.

Búgingi kúni elordada ózendik 28 jáne 239 shaǵyn kólemdi flot tirkeldi.

Komıtettiń basty mindeti kemelerdi kólik oqıǵasyna eskertý jáne zań buzýshylyq áreketteriniń aldyn alý bolyp tabylady.

Komıtetpen flottaǵy apattar jaıyndaǵy eskertýler, onyń ishinde flotty paıdalaný qaýipsizdigin qamtamasyz etýge baǵyttalǵan is-sharalar kesheni jospary jyl saıyn ázirlenip, júzege asyrylady.

Zańnamany jetildirý maqsatynda, «Kólik máselelerine baılanysty keıbir zańnamalyq aktilerge tolyqtyrýlar men ózgertýler engizý týraly» zańyn júzege asyrý barysynda Kóliktik baqylaý komıtetimen 16 normatıvtik-quqyqtyq aktiler jobasy, onyń ishinde 14 Úkimet qaýlysy ázirlendi.

Naqtyraq aıtqanda, jańa redaktsııada Úkimet qaýlysy deńgeıindegi ózen jáne shaǵyn kólemdegi kemelerdi tirkeý, teńiz, ózen jáne shaǵyn kólemdegi kemelerdiń apat jaǵdaıyna jáne kólik oqıǵalaryna baılanysty tergeý erejeleri, tehnıkalyq qadaǵalaýdy júrgizý tártibi jáne shaǵyn keme flotyn paıdalaný, ózen jáne shaǵyn keme júrgizýshilerin attestatsııalaý, keme qujattaryn júrgizý erejeleri qabyldandy.

Kóliktik baqylaý organdarymen barlyq keme júrgizýshilerine, shaǵyn kólemdegi keme flot turaqtarynyń ıelerine tıisti túsindirý jumystary ótkizildi.

Kóliktik baqylaý komıtetimen jańadan qabyldanǵan normatıvtik quqyqtyq aktileriniń qaǵıdalaryn túsindirý jóninde atalǵan profılaktıkalyq jumys búkil respýblıka aýmaǵynda ótkiziledi.

Keńestiń qorytyndysy boıynsha, Astana qalasynyń ákimshiligi men Astana qalasynyń Іshki ister departamentimen birlesip adamdardyń jappaı jınalý jerlerinde: aılaq júzý quraldarynyń janynda, jaıaý júrýge arnalǵan kópirde jáne qalalyq jaǵajaıda qoǵamdyq tártipti qorǵaý máselesin sheshý jóninde komıtetpen usynys berildi.