Esil ózeninde balyqtardyń neden qyrylǵany belgili boldy
ASTANA. QazAqparat - Búgin halyq aldynda esep bergen Astana qalalyq Іshki ister departamenti jergilikti polıtsııa qyzmetiniń basshysy Baqytjan Malybaev Esil ózenindegi balyqtardyń neden qyrylǵanyn aıtyp berdi, dep habarlaıdy QazAqpart.
Esterińizge sala keteıik, Astana turǵyny Esý arnasy aýdanyndaǵy sýda balyqtardyń qyrylyp jatqan vıdeosyn áleýmettik jelige júktegen bolatyn.
B.Malybaevtyń aıtýynsha, turǵyndar ózenge zııandy zat laqtyrýy múmkin.
«Tıisti saraptama júrgizdik, sý taza, lastanbaǵany anyqtaldy. Ýly zattar tabylmady. Biraq, úıinen shyǵa sala, ózenge neshe túrli qoqys tastap ketetin adamdar bar. Biz qalada ruqsat etilmegen jerge qoqys tastaǵan 15 myń adamǵa aıyppul saldyq. Sondyqtan, balyqtar sol kúni ǵana qyrylǵan, ıaǵnı, qoqystan ólýi ábden múmkin»,-dedi B.Malybaev.
