Esil ózeni jaǵasynda joǵalǵan er adam izdestirilip jatyr

PETROPAVL. QazAqparat – Petropavlda Esil ózeniniń jaǵasynda joǵalǵan 44 jastaǵy er adamǵa izdeý jarııalandy, dep habarlaıdy QazAqparat tilshisi.

Soltústikqazaqstandyq volonterler áleýmettik jelini paıdalanyp, 1976 jyly týǵan Anatolıı Vasılevıch Chýdopalovqa izdeý jarııalady. 44 jastaǵy er adam 18 shilde kúni Beregovaıa kóshesi mańynda, «Vostochnyı bereg» meıramhanasynan alys emes Esil ózeniniń jaǵalaýynda joǵalǵan.

Onyń boıy 170 sm shamasynda, shymyr deneli kelgen, qoı kózdi, qaraqońyr shashty. Erekshe belgisi – ıyǵynda qanjar men jylan sýrettelgen tatýırovka bar.

Sol kúni ústinde sur tústi fýtbolka men shalbar bolǵan.

Er adam jaıly kórgen-bilgender 8 777 608 88 49, 8 777 307 99 76 nemese 102 nómirine habarlasa alady.