Esil ózeni men onyń tarmaqtarynan eki júz tonna qoqys jınaldy
ASTANA. QazAqparat - Aǵymdaǵy jyldyń úsh toqsanynda Esil, Aqbulaq pen Sarybulaq ózenderiniń aıdyndaryn tazartý jumystarynyń aıasynda 200 tonnaǵa jýyq qoqys jınalyp, shyǵaryldy dep habarlaıdy elorda ákimdiginiń medıa ortalyǵy .
«Kútip ustaý, damytý jáne qaýipsiz paıdalaný maqsatynda Esil ózeniniń keme júretin bóliginde jyl saıynǵy sý aıdyndarynyń túbin tazartý jumystary júrgizildi. Buǵan 51 mln-nan astam teńge bólindi», - dep málimdedi Tabıǵı resýrstar jáne tabıǵatty paıdalanýdy retteý basqarmasynyń basshysy Musa Tanabaev.
Onyń aıtýynsha, bıyl Esil ózenin, Sarybulaqty qalpyna keltirý jónindegi jobalyq-smetalyq qujattama daıyndalyp jatyr. Qurylys-montajdyq jumystar 2018 jyly bastalady dep kútilýde.
