Esil qalasyndaǵy astyq kompanııasynan 9,5 mln. teńge urlandy - Aqmola oblysy
ASTANA. 6 naýryz. QazAqparat - ІІM krımınaldyq polıtsııa komıtetiniń qyzmetkerleri Aqmola oblysynyń polıtseılerimen birlese otyryp, Esil qalasynda júrgizgen jedel izdestirý is-sharalary barysynda astyq kompanııalarynyń birinen iri kólemde aqsha urlaǵan eki qala turǵynyn qolǵa túsirdi.
Bul týraly búgin ótken aptalyq brıfıngte QR ІІM resmı ókili Nurdildá Oraz málim etti.
N. Orazdyń aıtýynsha, aqpan aıynyń aıaǵynda fırma kúzetshisi belgisiz bireýlerdiń plastıkalyq terezeni kúshtep ashý arqyly zerthana ǵımaratyna kirip, 9,5 mıllıon teńgeni qoldy qylǵandyǵyn Esil aýdandyq ishki ister bólimine habarlaǵan. Shuǵyl oqıǵa ornyna kelgen tártip saqshylary kúdiktilerdiń zerthanaǵa birinshi qabattaǵy torlanbaǵan tereze arqyly kirip, meńgerýshi kabınetinde ornalasqan seıftegi aqshany qoldy qylǵandyǵyn anyqtady. Tekseris júrgizý barysynda seıf kiltiniń kúni buryn qulyp uńǵysynda qalyp qoıǵandyǵy belgili boldy. Ustalǵandar ýaqytsha qamaý abaqtysyna jabyldy. Tergeý amaldary jalǵasýda.
