Esil qalasynda 45 páterli turǵyn úıdiń qurylysy júrip jatyr

KÓKShETAÝ. QazAqparat - Aqmola oblysynyń Esil qalasynda 45 páterli jańa turǵyn úıdiń qurylysy júrip jatyr. Nysandy keler jyldyń ortasynda paıdalanýǵa berý josparlanǵan, dep habarlaıdy QazAqparat tilshisi oblystyq ishki saıasat basqarmasyna silteme jasap.

«Soltústik» yqshamaýdany 6 meken jaıynda ornalasqan 45 páterli turǵyn úı oblystyq bıýdjetten alynǵan nesıe esebinen salynyp jatyr.

Qurylys jumystaryn Almaty qalasynan kelgen merdiger «G5 Maintenance Services» jaýapkershiligi shekteýli seriktesigi óolaǵa alǵan.

Mundaǵy kelisimshart quny - 432 882 mıllıon teńge.

Aýdan ákimdiginiń málimetinshe, búginde tańda turǵyn úıdiń irgetasyn qalaý (jertóle qabyrǵalaryn salý) boıynsha jumys júrgizilýde.

Qurylys jumysyna jergilikti 10 adam tartylǵan.

«Sońǵy jyldary aýdanymyzda turǵyn úı qurylysy jandanyp keledi. Osynyń arqasynda jańa jumys oryndary ashylyp, aýdan turǵyndary nápaqasyn taýyp júr. Turǵyn úı qurlysyna keletin bolsaq, ony 2022 jyldyń shilde aıynda aıaqtap, tapsyrýdy josparlap otyramyz. Bul degenimiz sol kezde aýdan ortalyǵynda 45 otbasy baspanaly bolady degen sóz», - deıdi aýdan ákimdegiler.