Esil boıynda salynatyn Buzylyq sý qoımasyna 43 mlrd teńge bólinedi

ASTANA. QazAqparat – Premer-Mınıstr Álıhan Smaıylov Senat depýtattarynyń saýalyna joldaǵan jaýabynda jyldary Nura toptyq sý qubyryn qaıta jaraqtaýǵa 16 mlrd teńge jumsalatynyn málim etti, dep habarlaıdy QazAqparat tilshisi.

«Qazirgi tańda Ekologııa jáne tabıǵı resýrstar mınıstrligi jalpy quny 630,8 mln teńge bolatyn Egindikól aýylynan Stepnıak qalasyndaǵy astyq qabyldaý pýnktine deıingi uzyndyǵy 15 shaqyrym Nura toptyq sý qubyry ýchaskesin rekonstrýktsııalaý jobasyn iske asyrýda. Bıyl jobany iske asyrýdyń basynda respýblıkalyq bıýdjetten 330 mln teńge somasynda qarajat kózdelgen. Jobany aıaqtaý 2024 jyldyń shildesinde josparlanýda.

Sonymen qatar, jyl sońyna deıin jalpy uzyndyǵy 337 shaqyrym bolatyn Nura sý qubyrynyń qalǵan ýchaskelerin rekonstrýktsııalaýǵa baǵyttalǵan jobalaý-smetalyq qujattamany ázirleý aıaqtalady. Rekonstrýktsııalaýdyń quny shamamen 16 mlrd teńgeni quraıdy. Іske asyrý kezeńi – 2024-2026 jyldar», -dep jazylǵan jaýapta.

Onyń aıtýynsha, Esildiń arnasyndaǵy sýdy tıimdi padalaný úshin 2024 – 2027 jyldary Buzylyq sý qoımasy salynady.

«Ekologııa mınıstrligi shilde aıynda kóktemgi mol sýdy rettep, jınaqtaý úshin sondaı-aq onyń Esildiń tómen jaǵyndaǵy Sergeev, Petropavl sý qoımalarynyń turaqty jumysyn qamtamasyz etý úshin Esil qarymta rettegishin (Buzylyq sý qoımasy) salý jobasy boıynsha jobalaý-smetalyq qujattama ázirleýdi aıaqtaıdy. Qurylystyń boljamdy quny – 43 mlrd teńge. Іske asyrý kezeńi – 2024 – 2027 jyldar», - dedi Úkimet basshysy.