Esil aýdanynyń turǵyndaryna sý berý ýaqytsha toqtatylatyndyǵy eskertildi - Nur-Sultan
NUR-SULTAN. QazAqparat – Elordada birqatar kóshe boıyndaǵy úılerge aýyz sý berý toqtatylady, dep habarlaıdy QazAqparat «Astana sý arnasy» MKK-ge silteme jasap.
Kommýnaldyq kásiporynnyń málimetinshe, B. Momyshuly dańǵyly men Tólebaev kóshesiniń qıylysynda D=1000mm jańa magıstraldy sý qubyryn ornatýǵa; . B. Momyshuly - Sátpaev kósheleriniń qıylysyndaǵy qysymdy retteýishti demontajdaýǵa; B. Momyshuly dańǵyly aýdanynda shyǵyn ólshegishti aýystyrýǵa baılanysty 21 mamyr saǵat 22:00-den bastap 22 mamyr saǵat 09:00-ge deıin aýyz sý berý ýaqytsha toqtatylady.
Kelesi mekenjaıdaǵy tutynýshylarǵa sý berý toqtatylady: Turǵyn úıler:
Máńgilik el dańǵyly, Nova city mańy, Zarechnyı turǵyn úı alaby, Telman turǵyn úı alaby, Prıgorodnyı turǵyn úı alaby, BI Village/ Family Village turǵyn úı kesheni, Qabanbaı batyr dańǵyly,
Almaty aýdany boıynsha:
Myńjyldyq alleıasy, Ońtústik-Shyǵys t.a oń jaǵy, Qaldaıaqov-Táýelsizdik-Panfılov-Amanjolov kósheleriniń alańy.
22 mamyrda saǵat 10: 00-den 17: 00-ge deıin sýmen jabdyqtaý jelilerin iske qosý jumystaryna baılanysty joǵaryda atalǵan aýdandarda qysym tómendeıdi.
