Esil aýdanynda «Týǵan jer» baǵdarlamasy boıynsha 12 joba júzege asyrylýda - Aqmola oblysy
KÓKShETAÝ. QazAqparat - Esil aýdanynda «Týǵan jer» baǵdarlamasy boıynsha jalpy quny 380 mıllıon teńgege 12 joba júzege asyrylýda. Bul týraly aımaq basshysy Məlik Myrzalınniń aýdanǵa jumys sapary barysynda aıtyldy, dep habarlaıdy QazAqparat tilshisi.
Aýdanǵa sapary barysynda aımaq basshysy Esil qalasynda salynyp jatqan jylý qazandyǵynyń qurylysyna nazar aýdardy. Joba quny 6,9 mıllıard teńgeni quraıdy. Nysandy keler jyldyń kúzinde iske qosý josparlanǵan. Sol kezde aýdan ortalyǵyndaǵy turǵyn úıler men əleýmettik nysandardyń 85 paıyzy jylýmen qamtamasyz etilmek.
Odan əri aımaq basshysy «A*Star» qonaq úı meıramhana kesheni, aýdandyq aýrýhana, mádenıet úıi jəne agrotehnıkalyq kolledjde boldy. Dýaldy oqytý júıesin meńgergen bilim ordasynda 156 bala bilim alýda. Stýdentter kolledj qabyrǵasynda bilim alyp qana qoımaı 40 astam kəsiporynda teorııalyq bilimderin təjirıbemen ushtastyrýda.
Aýdanda «Týǵan jer» baǵdarlamasy da qoldaý tabýda. Məselen, «Novo-Prırechnoe» JShS-nyń basshysy Valerıı Tıýrkın jyl sońyna deıin ıÝbıleınyı aýylynda 160 turǵyn úıge gaz qubyryn tartýǵa, aýyl ishilik 3,5 jol jóndeýge jəne 2 turǵyn úı salýǵa ýəde etti. Osy maqsatta seriktestik óz qaltasynan 270 mıllıon teńge qarjy salýdy kózdep otyr.
Al, Ýəlıhan Əripov jetekshilik etetin «Zarechnyı» JShS 110 mıllıon teńgege keler jyldyń sońyna deıin Zarechnoe aýylyndaǵy áleýmettik nysandardy jańǵyrtýdy qolǵa almaq.
«Búgingi tańda memleket tarapynan jumyssyzdardy eńbekpen qamtamasyz etýde barlyq jaǵdaı jasalynǵan. Oblys boıynsha jyl sońyna deıin Esil agrotehnıkalyq kolledjindegi tárizdi eńbek naryǵynda suranys joǵary kəsibı mamandyqtar boıynsha 6 myńnan astam adam kýrstan ótedi», - dedi aımaq basshysy.
