Esikterdi jaýyp tastaǵan: Meksıka dámhanasynda 26 adam órtenip ketti
KOATsAKOALЬKOS. QazAqparat – Meksıkanyń Verakrýs shtatynda seısenbi kúni túnde dámhanaǵa jasalǵan shabýyl saldarynan 26 adam qaza taýyp, 13-i zardap shekti. Keıbiriniń denesiniń 90% deıin kúıik shalǵan, dep habarlaıdy QazAqparat Mexico News Daily-ge silteme jasap.
Oqıǵaǵa kýá bolǵandardyń aıtýynsha, jergilikti ýaqytpen 22:00-de shabýyl jasalǵan. 5-6 qarýly adam Koatsakoalkos qalasynyń ortalyǵyndaǵy barǵa kirip, adamdarǵa ata bastaǵan.
Keıin qaskúnemder ǵımaratqa ishinde janatyn suıyqtyǵy bar bótelkelerdi laqtyrǵan. Odan keıin barlyq evakýatsııalyq esikterdi jaýyp, ishinde adamdardy qaldyryp ketken.
16 er jáne 9 áıel adam ajal qushty. Qyzdar oıyn-saýyq mekemesinde bıshi bolǵan.
Verakrýs shtatynyń gýbernatory Kýtlaýak Garsııanyń málimetinshe, bardyń ıesin senbi kúni urlap ketip, basyn shaýyp tastaǵan.
Gýbernator qylmystyq bandanyń atalmysh mekemede esirtki satpaqshy bolǵanyn habarlady.
Osy jyldyń sáýirinde kórshi Mınatıtlan qalasynda dámhanaǵa jasalǵan osyndaı shabýyldan 13 adam qaza tapqan edi.
