«Esikten esikke»: Anglııada koronavırýsqa jappaı testileý bastalady
Koronavırýstyń taralýyna jol bermeý jónindegi Qazaqstan Úkimeti janyndaǵy vedomstvoaralyq komıssııa aqparatyna sáıkes, ǵalymdar ótken jyldyń qazan aıynda Ońtústik Afrıkada alǵash ret anyqtalǵan koronavırýstyń jańa shtammynyń vaktsınalarǵa sezimtaldyǵy az ekendigin aıtyp, alańdaýshylyq bildirýde. Sondaı-aq ol «qalypty» Covid-19-ben aýyrǵan adamdarǵa qaıta juǵýy múmkindigi aıtylýda.
Londondyq Times basylymy óz derekkózderine silteme jasaı otyryp, Japonııa úkimeti Olımpıada ótkizýden bas tartý sheshimine jaqyn ekendigin jazǵan. Biraq qorytyndy uıǵarym koronavırýsqa qatysty álemdegi jaǵdaıdyń damýyna baılanysty naýryz aıynyń sońynda qabyldanbaq. Olımpıada kórermensiz ótýi de múmkin. Qazir Olımpıada 23 shilde - 8 tamyz aralyǵyna josparlanǵan jáne «Tokıo-2020» resmı ataýy da saqtalǵan.
Al Izraıldiń Densaýlyq saqtaý mınıstrliginiń jarııalanǵan málimetterine sáıkes, vaktsınanyń ekinshi dozasyn alǵan eldiń 715 425 turǵynynyń 317-si nemese 0,04% koronavırýs juqtyrǵan. Olardyń tek 16-sy aýrýhanaǵa jatqyzýdy qajet etken. Ótken jyly júrgizilgen synaqtardan keıin Pfizer kontserni óz preparattarynyń 92% qorǵaýdy qamtamasyz etetindigin aıtqan bolatyn.
