Esik pen Túrgen shatqaldaryna kirýge tyıym salyndy
ALMATY OBLYSY. QazAqparat – Almaty oblysynda Esik pen Túrgen shatqaldaryna serýendeýge tyıym salyndy. Bul týraly Eńbekshiqazaq aýdanynyń bas sanıtarlyq dárigeri Mırjan Ázerbaev qaýly shyǵardy, dep habarlaıdy QazAqparat tilshisi.
Qaýly 23 shilde - 2 tamyz aralyǵynda Túrgen, Esik shatqaldary terrıtorııasyna kirýge tyıym salýdy qamtamasyz etedi.
Tek tómendegi erejeni saqtaǵan jaǵdaıda ǵana jaıaý serýendeýge bolady:
1. sýsynnan basqa azyq-túlik alyp ótýge, dastarhan jaıyp, ot jaǵýǵa tyıym salynady;
2. úsh adamnan artyq adamdarǵa toptasyp demalýǵa tyıym salynady;
3. áleýmettik qashyqtyq talaptaryn, maska kııýdi qamtamasyz etý;
4. bir otbasynan 3 adamnan artyq adamdarǵa koroporatıvtik, ekskýrsııalyq, toptyq demalys tyıym salynady
5. osy aımaqta ornalasqan qonaq úıler men demalys oryndaryna (qonaq úıler, týrıstik bazalar) aldyn ala tólem alýdy toqtatý;
6. qaýly shyqqan ýaqyttan buryn demalýǵa kelgen týrıster qonaq úıler men shıpajaıda sanıtarlyq normalardy qatań saqtaýǵa mindetteledi;
7. týrıstik aımaqtarda saýda núkteleri, saýna, basseın jumysy toqtatylady.
8. Іle Alataýy Ulttyq parkine arnaıy qyzmetten bólek kólikterdiń kirýine tyıym salynsyn», - delingen aýdannyń bas sanıtarlyq dárigeriniń qaýlysynda.
Buǵan deıin Almatyda da 14 shildeden bastap taýly aımaqtarǵa demalýǵa tyıym salynǵan bolatyn.
https://kaz.inform.kz/news/14-shildeden-bastap-medeu-butakov-alma-arasanga-kiruge-tyyym-salynady_a3672303
