Esik kólinen 50 týrıs evakýatsııalandy
TALDYQORǴAN. QazAqparat - Almaty oblysy TJD qutqarýshylary Esik kólinen 50 týrısti evakýatsııalady. Demalýshylar mingen avtobýs kóktaıǵaq saldarynan jol jıegine shyǵyp qalǵan, dep habarlaıdy QazAqparat tilshisi.
Almaty oblystyq TJD baspasóz qyzmetiniń málimetinshe, 15 qarashada jolaýshylar avtobýsynyń biri Esik kóline baratyn jolda kóktaıǵaq saldarynan turyp qaldy. Ol basqa kólikter men avtobýstardyń qozǵalysyna kedergi keltirgen.
Jedel qabyldanǵan shara barysynda 50 sheteldik jáne jergilikti týrıst esik orman sharýashylyǵy ekologııalyq beketine jaıaý tústi. Qutqarýshylar olardy úsh topqa bólip, ár topqa bir-bir ofıtserden bekitilip, barlyǵy aman-esen qaýipsiz jerge jetkizildi. Ekopostan týrısterdi Eńbekshiqazaq aýdany ákimdigi daıyndaǵan avtobýstar kútip turdy. Olar Esik qalasynyń avtovokzalyna jetkizdi.
Tekserý barysynda jolda turyp qalǵan jolaýshylar avtobýsy jazǵy dóńgelektermen júrgeni anyqtaldy. Birneshe saǵat ishinde kólik turyp qalǵan jerinen shyǵarylyp, keri qaıtaryldy. Qazirgi ýaqytta qaýipsizdik maqsatynda Esik kóline kirý jabyq.
Almaty oblysynyń TJD jazataıym oqıǵalarǵa jol bermeý maqsatynda qysqy dóńgelekterdi aýystyrý jáne aýa raıynyń ózgerýin baqylaýǵa keńes beredi.
